ҚУРИЛИШ СОҲАСИНИ ТАРТИБГА СОЛУВЧИ ХАЛҚАРО ҲУҚУҚИЙ НОРМА, СТАНДАРТЛАР ҲАМДА УЛАРНИНГ МИЛЛИЙ ҚОНУНЧИЛИКДАГИ ЎРНИ

Ушбу мақолада юртимизда қурилиш соҳасида олиб борилаётган ислоҳотларни ҳуқуқий жиҳатдан янада ривожлантириш учун у билан боғлиқ бўлган халқаро нормалар таҳлил қилинди. Уй-жой қурилиши соҳасидаги нормаларнинг ўрни, у билан боғлиқ бўлган халқаро индикаторлар, улардаги ўзгаришлар давлат ва жамиятнинг халқаро ҳуқуқдаги ўрнига қай даражада таъсир қилишини ўрганиш асосий мақсадлардан биридир. Бунда Ўзбекистон Республикасида қурилиш соҳасининг ҳозирги ҳолати ва уни халқаро нормаларга мослаган ҳолда ривожлантириш ҳуқуқий йўналиш сифатида белгилаб олинган. Бир қатор ривожланган давлатлар қурилиш соҳасидаги стандартларнинг ҳуқуқий асослари ёритиб берилган. Олиб борилган тадқиқотнинг асосий мазмуни қурилиш соҳасидаги маъмурий муносабатларда халқаро ҳуқуқ нормалари ва чет давлатлар тажрибасини таҳлил қилишдир. Шу билан биргаликда, соҳадаги норма ижодкорлиги жараёнини янада ривожлантириш учун тегишли хулосалар чиқарилган. Тадқиқот объектини тавсифловчи асосий кўрсаткични белгилашда тегишли халқаро ташкилотлар томонидан тақдим этилган маълумотларга таянилди.